Elimizde «postkovıdti belgiler» jobasy synaqtan ótýde
«Ótken jyldyń qazan aıynan bastap bizdiń ortalyqtyń bazasynda postkovıdti belgileri bar naýqastarǵa tekserý jumystaryn júrgizip jatyrmyz. Maqsat – elimizdegi koronavırýsqa qatysty jaǵdaıda jaqsartý. Ótken jyldyń jeltoqsan aıynda 400-den astam adam tekseristen ótti. Onyń ishinde 100-i – bala», - deıdi «Ulttyq ǵylymı kardıohırýrgııa ortalyǵy» KeAQ qabyldaý bólimshesiniń meńgerýshisi Aınur Táýekelova.
Ol koronavırýsqa qatysty eki termın bar ekenin aıtty. Biri – sozylmaly koronavırýs bolsa, ekinshisi postkovıdti belgiler.
«Sozylmaly koronavırýs dep aýyryp bolǵannan keıin aýrý belgileri 3 aptaǵa deıin saqtalyp qalatyn jaǵdaıdy aıtamyz. Al postkovıdti belgiler degenimiz – koronavırýspen aýyryp bolǵan adamda aýrý belgileri 12 aptadan astam ýaqyt saqtalyp qalady. Bizde tekserilgen 287 naýqasta ımmýndyq jetispeýshilik kúı baıqaldy. 20 adamda tsıtomegalovırýsynyń, gerpes vırýsynyń saqtalyp qalýy baıqalǵan. Sondaı-aq, koronavırýspen aýyrǵan naýqastarda D, V12 dárýmeni men folıı qyshqylynyń jetispeýshiligi baıqalǵan. 190 adamda kognıtıvtik qyzmet buzylǵan, ıaǵnı este saqtaý qabileti nasharlaǵan. Sonymen qatar, júrek-qan tamyrlarý aýrýlary, sonyń ishinde 20 naýqasta alǵash ret kúretamyr qysymynyń kóterilýi anyqtalǵan. Endokrındik patalogııa da anyqtalǵan, sonyń ishinde 2 naýqasqa qant dıabeti dıagnozy qoıylsa, 13 naýqasta qant dıabetiniń dekompensatsııasy bolǵan, 40 naýqastyń qalqansha beziniń qyzmeti buzylǵan. Tynys alý júıesinde de palatogııa anyqtaldy», - deıdi ol.