Elimizde polıtsııanyń áreketine qatysty qansha shaǵym kelip tústi
«Іshki ister mınıstri Erlan Turǵymbaevtyń tapsyrmasyna sáıkes, ishki ister organdarynyń ózindik qaýipsizdik bólimsheleri azamattardyń ótinishterine, ásirese, polıtsııa qyzmetkerleriniń zańsyz áreketterine jedel den qoıýdy qamtamasyz etti. Máselen, ótken táýlikte senim telefondaryna azamattardan 57 ótinish kelip tústi, onyń ishinde 40 ótinish konsýltatıvtik-anyqtamalyq sıpatta (kóshi-qon, halyqty qujattandyrý, kólik quraldaryn tirkeý jáne qaıta tirkeý, aıyppul esepteý, saqtandyrý, áleýmettik máseleler, JKO máseleleri, aqyly joldardyń, HQKO-lardyń jumys isteýi jáne t.b.) jáne 17-si polıtsııa qyzmetkerleriniń zańsyz áreketterine baılanysty boldy. Mán-jaıdy anyqtaýdy qajet etetin barlyq kelip túsken ótinishter boıynsha tekserýler júrgiziledi (AEK-te 8 ótinish tirkeldi jáne 4-i boıynsha qyzmettik tergeý taǵaıyndaldy) jáne shaǵymdanýshylarǵa tolyq túsinikteme berildi», - delingen vedomstvonyń jedel shtabynyń málimetinde
Mysaly, 15 qańtarda «Ádilet joly» RQB-niń ókili A. Pshenovten Semeı qalasynda ustalǵan 2001 jyly týǵan O. esimdi azamat jaıynda bilýdi suraǵan ótinish kelip tústi. Atalǵan ótinishti tekserý kezinde O.esimdi azamattyń QR QPK-niń 128 jáne 131-baptary boıynsha QR QK-tiń 269-babynyń 3-bóligi (Ǵımarat pen qurylysqa shabýyl jasaý) jáne 272-babynyń 2-bóligi (Jappaı tártipsizdik) turǵysynda sotqa deıingi tergeý aıasynda ustalǵany anyqtaldy.
9 qańtarda Semeı qalasynyń soty ustalǵan adamǵa qatysty eki aıǵa kúzetpen ustaý túrindegi bultartpaý sharasyn tańdady. Tekserý nátıjeleri boıynsha O.esimdi azamattyń ornalasqan jeri týraly Pshenovke habarlandy.
ІІM Ózindik qaýipsizdik departamentiniń senim telefonyna «14-02» júgingen azamattar konsýltatsııalyq-anyqtamalyq kómekter ala alady.
«Konsýltatıvtik-aqparattyq kómek alýmen qatar, azamattar polıtsııa qyzmetkerlerine baılanysty týyndaǵan túrli jaǵdaılarǵa qatysty habarlaıdy. Bul sizge jedel áreket etýge, tekserýge jáne árbir naqty jaǵdaıǵa túsinik berýge múmkindik beredi. Biz halyqpen tyǵyz baılanysta bolýǵa múddelimiz, bul bizge qorytyndy jasaýǵa jáne aldaǵy ýaqytta ІІO jeke quramy tarapynan oryn alýy múmkin zań buzýshylyqtardyń jolyn kesýge múmkindik beredi», - delingen taratylǵan málimette.
