Elimizde páter kezeginde 20-ǵasyrdyń sońynan beri turǵandar bar

ASTANA. QazAqparat - HH ǵasyrdyń 90-shy jyldarynda kezekke turǵan azamattardy eń aldymen baspanamen qamtamasyz etý qajet. Bul týraly búgin Májilistegi «Nurly jer» turǵyn úı qurylysy baǵdarlamasyn iske asyrý barysy» taqyrybynda ótken jatqan dóńgelek ústel otyrysy barysynda depýtat Nurtaı Sabılıanov  aıtty, dep habarlaıdy QazAqparat tilshisi.

«Nurly jer» asa qajetti baǵdarlama. Óıtkeni, bul qoǵamdaǵaǵy eń úlken, ózekti másele halyqtyń turǵyn úıge degen muqtajdyǵyn sheshetin baǵdarlama dep oılaımyn. Osyǵan baılanysty birinshiden, jobalyq-smetalyq qujattardy ýaqytynda ázirleýge, sonymen qatar «Nurly jer» baǵdarlamasyna bólinip jatqan qarajatty  maqsatyna saı, tıimdi jumsalýyna erekshe nazar aýdarý kerek», - dedi májilis depýtaty.

Onyń aıtýynsha, ekinshiden, salynyp jatqan turǵyn úıleriniń qurylys sapasyn qamtamasyz etý qajet. ıAǵnı, salynǵan páter sapaly bolýy tıis. Osyǵan baılanysty  turǵyn úıdi salyp jatqan merdigerlerdiń  de jaýapkershiligi arttyrýy kerek.

«Sonymen qatar qazirgi kezde turǵyn úı kezeginde turǵan baspanaǵa muqtaj azamattar bar. Olardyń birqatary 20 ǵasyrdyń 90-shy jyldarynan, keıbireýleri 21 ǵasyrdyń basynan kezekte turǵan. Sondyqtan 90-95 jyldary kezekke turǵan azamattardy birinshi kezekte turǵyn úımen qamtamasyz etýge erekshe nazar aýdaryp, oǵan qarajat kóp bólinýi tıis. Keıin turǵandardy odan soń ret-retimen qamtamasyz etýimiz qajet»,- dedi Nurtaı Sabılıanov.