Elimizde Parkınsonmen aýyratyndarǵa 500-den asa ota jasalǵan
ASTANA. QazAqparat – Qaltyraý paralıch ıaǵnı Parkınson aýrýyna shaldyqqan otandastarymyzǵa 500-den astam ota jasaldy. Tolyǵyraq ulttyq neırohırýrgııa ortalyǵynyń basqarma tóraǵasy Serik Aqsholaqov aıtyp berdi, dep habarlaıdy QazAqparat tilshisi.
«2013 jyldan bastap Parkınson aýrýy jáne basqa da qozǵalys buzylysy kezinde mıdy tereń yntalandyrý júıesi engizildi. Bul operatsııanyń maqsaty - sozylmaly tremor men ózdiginen bolatyn patologııalyq qozǵalysty boldyrmaý. Búginde 500-den astam ota jasaldy. Slaıdtan Parkınson aýrýyna shaldyqqan patsıenttiń motor fýnktsııalary buzylǵanyn kóre alasyz. Mıdyń tereń qurylymdaryn neırostımýlıatsııalaǵan soń 3 aıdan keıin naýqas dárigerdiń tapsyrmalaryn naqty oryndap, is-áreketinde naqtylyq jáne fýnktsıonaldyq qalpyna keledi. ıAǵnı adam ózine tolyqtaı qyzmet ete alady», - dedi Serik Aqsholaqov elordada ótip jatqan neırohırýrgtardyń V kongresinde.
Sondaı-aq, ulttyq ortalyq basshysy otandyq neırohırýrgııa salasyndaǵy basqa da jańashyldyqtarǵa toqtalyp ótti.
«Biz engizgen jańa ádisterdiń biri - dárige tózimdi epılepsııany hırýrgııalyq emdeý. Búginde bul salada 400-den astam operatsııa jasaldy. Bul gemısferektomııa, lobektomııa, gıppokampektomııa, vagýs nerviniń neırostımýlıatsııasy, qurylymdyq sımptomatıkalyq epılepsııany emdeý. Sonymen qatar gıdrotsefalııany emdeýdegi ádisterdiń biri - az ınvazıvti neırohırýrgııa. Gıdrotsefalııany emdeý tásilimen 200-den astam patsıentke ota jasaldy», - deıdi maman.
