Elimizde pánder boıynsha pedagogterdiń qaýymdastyqtary qurylady

NUR-SULTAN. QazAqparat – Búgin pedagogterdiń respýblıkalyq tamyz konferentsııasynda Premer-Mınıstrdiń orynbasary Eraly Toǵjanov mınıstrlikke muǵalimderdiń biliktiligin arttyrýǵa qatysty tapsyrmalar júktedi, dep habarlaıdy QazAqparat tilshisi.

«Kásibı damýdy jańa deńgeıge kóterý úshin pedagogterdiń pándik qaýymdastyqtar boıynsha birigýi kómektesedi dep sanaımyn. Sondyqtan Oqý-aǵartý mınıstrliginen oqytý pánderi boıynsha pedagogterdiń respýblıkalyq qaýymdastyqtaryn qurý máselesin pysyqtaýdy suraımyn», - dedi E.Toǵjanov respýblıkalyq tamyz konferentsııasynda.

Onyń paıymynsha, osyndaı birlestikter kóp deńgeıli prıntsıp aıasynda qalyptasqany durys, ıaǵnı bir pán boıynsha mektep, kolledj jáne JOO muǵalimderin qamtýy kerek. Pedagogterdiń osy birlestikterge qatysýy biregeı zııatkerlik ortaǵa kirýge múmkindik beredi.

«Oqý-aǵartý mınıstrligine Ahmet Baıtursynulynyń 150 jyldyǵy aıasynda úzdik pedagogıkalyq tájirıbelerdi taratý boıynsha pedegogterdiń respýblıkalyq ári oblystyq kongresterin uıymdastyrýdy tapsyramyn», - dedi Úkimet basshysynyń orynbasary.