Elimizde ózin-ózi jumyspen qamtyǵandar sany ósýde – Tamara Dúısenova

ASTANA. QazAqparat – Elimizde ózin-ózi jumyspen qamtyǵandar sany artyp barady. Bul týraly Úkimet otyrysynda QR Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«2016-2020 jyldary jumys kúshi jylyna orta eseppen 36,4 myń adamǵa ósse, bul kórsetkish byltyr 2 ese artyp, 76 myńǵa jetti. Olardy jumyspen qamtý máselesine kelsek, atalǵan kezeńde jaldamaly jumyskerler sany 68,8 myń adamnan 23,5 myń adamǵa deıin azaıdy. Bul jaǵdaı pandemııa jáne álemdik ekonomıkalyq qıyndyqtarǵa baılanysty týyndap otyr», - dedi mınıstr.

Onyń aıtýynsha, 2000 jyldardan bastap dúnıege kelgen balalardyń sany artty. Qazir olar er jetip, eńbek naryǵyna qosylyp otyr.

«Sol sebepti, aldyńǵy jyldary birtindep azaıyp kele jatqan ózin-ózi jumyspen qamtyǵandar sany qaıtadan ósip, 51 myń adamǵa kóbeıdi. Bul ózgerister jumyssyzdyqtyń, ásirese jastar arasyndaǵy jumyssyzdyqtyń artýyna jol bermeý úshin keshendi is-sharalar qabyldaýdy talap etedi», - dedi Tamara Dúısenova.