Elimizde ózin-ózi jumyspen qamtyǵan azamattardyń sany 2,7 mln. adamdy qurap otyr
Sóz arasynda Qazaqstannyń zeınetaqy júıesi udaıy jetildirilý ústinde ekenin aıtqan vıtse-mınıstr, búgingi tańda zeınetaqy jınaqtaýshy qorlarynyń jumys tıimdiligi de tómen bolyp otyrǵanyn atap ótti. Onyń paıymynsha, zeınetaqy qorlarynyń bundaı jaǵdaıǵa ushyraýynyń basty sebebi - ishki júıe jetilmeýinde jatyr. «Atap aıtqanda, zeınetaqy qorlaryndaǵy qarjylyq táýekelder negizinen makroekonomıkalyq jaǵdaılarmen tyǵyz baılanysty. Óıtkeni, zeınetaqy júıesi - ekonomıkany damytý aınasy. Olar bir-birimen tyǵyz baılanysty. Sondyqtan da, bizdi eń aldymen mindetti zeınetaqylyq salymdardan quralǵan ınvestıtsııalyq múmkindikterdiń tómendigi alańdatady. Kóleńkeli sektordaǵy beıresmı eńbek qatynastarynyń, onyń ishinde ózin-ózi jumyspen qamtyǵandardyń bolýy da birshama problema týdyrady. Qarjy naryǵy, qor naryǵy men qundy qaǵazdar naryǵy da bizdiń elimizde damymaı otyr», - deıdi S. Ahmetov. Onyń aıtýynsha, búgingi kúni elimizde ózin-ózi jumyspen qamtyǵandar sany 2,7 mln. adamdy qurap otyr. Bul ekonomıkalyq belsendi halyqtyń 33 paıyzy. Al ekonomıkalyq belsendi halyq sany 8,9 mln. adam.