Elimizde otbasylyq janjal ýshyǵyp tur - Erlan Turǵymbaev
Mınıstrdiń dereginshe, jyl basynan beri elimizde qylmys sany 38 paıyzǵa azaıdy. Dene aýyr jaraqat salý, qaraqshylyq, tonaý, urlyq, buzaqylyq syndy qylmys túrleri de tómendedi. Kámelettik jasqa tolmaǵandar, buryn sottalǵandar jasaıtyn qylmystar da tómendep otyr. Qylmystardyń kóptegen túrleriniń ashylýy kórsetkishi de jaqsara túsken.
«Degenmen, otbasylyq-turmystyq saladaǵy quqyq buzýshylyqtardyń sany 25 paıyzǵa artyp otyr. Tótenshe jaǵdaı rejımi kezeńinde azamattardyń oqshaýlaýyna baılanysty daǵdarys ortalyqtarynyń «qaýyrt jelilerine» zorlyq-zombylyq qurbandarynyń júginýi kóbeıip ketti. Buǵan qosa, ókinishke oraı zardap shegýshilerdiń 10-ynyń ekeýi ǵana polıtsııaǵa júginýge kelisedi», - dedi Erlan Turǵymbaev Ortalyq kommýnkatsııalar qyzmetindegi kezdesýde.
Onyń atap ótýinshe, otbasylyq janjal shyǵarǵyshtardan zardap shegýshilerdi qorǵaý úshin 37 myń qorǵaý uıǵarymy shyǵarylyp, quqyq buzýshylarǵa qatysty 4,8 myń arnaıy talap bekitilgen.