18:23, 06 Maýsym 2016 | GMT +6
Elimizde Otan qorǵaýshylar memorıaldyq kesheniniń úzdik eskızine baıqaý jarııalandy
ASTANA. QazAqparat - Qazaqstanda memorıaldyq keshenniń úzdik eksız-ıdeıasy - «Otan qorǵaýshy» sáýlet jáne músindik kompozıtsııa ashyq respýblıkalyq baıqaý jarııalandy, dep habarlaıdy QR Qorǵanys mınıstrliginiń baspasóz qyzmeti.
Memorıaldyq keshenniń úzdik eskız-ıdeıasyna baıqaýdyń ótkizilýi týraly «Ardagerler odaǵy» qoǵamdyq birlestigi habarlady. Baıqaý 2016 jylǵy maýsymnyń 13-i men shildeniń 13-i aralyǵynda ótkiziledi.
Baıqaýǵa kásibı sáýletshiler, músinshiler, sýretshiler qatysa alady. Qatysýshy retinde tirkelý, baıqaý shartymen tanysý jáne ózge de suraqtar boıynsha 010000, Astana qalasy, Respýblıka dańǵyly 2 mekenjaıy boıynsha ornalasqan Qazaqstan Respýblıkasy Qarýly Kúshteriniń Áskerı-tarıhı murajaıyna habarlasýǵa bolady. Tel.: +7 (7172) 44-25-73, e-mail: mhm.kazakhstan@gmail.com.
