Elimizde «Onlaın neke» baıqaýy jarııalandy

ALMATY. QazAqparat – «Azamattarǵa arnalǵan Úkimet» memlekettik korporatsııasy búgin ETsQ kómegimen ótinish bere otyryp, jaqyn arada nekesin tirkegen juptar arasynda «Onlaın neke» baıqaýyn jarııalady, dep habarlaıdy QazAqparat.

Baıqaý talaptaryn atalǵan korporatsııanyń Almatydaǵy bólimshesiniń baspasóz hatshysy Jańyl Ápetova túsindirdi.

«Ózderińizdiń tanysý hıkaıalaryńyzdy, nekeni tirkeýge onlaın-ótinish bergenińiz jáne HQO-ǵa barmaı-aq memlekettik qyzmetti alǵanyńyz jaıly post jazyp, áserlerińizben bólisseńizder bolǵany. Bizdi postta belgilep, baıqaýdyń nátıjesi shyqqanǵa deıin akkaýntty ashyq qaldyryńyz», - dedi Jańyl Ápetova.

Baıqaý 14 aqpanda qorytyndylanatyn bolady. 3 jeńimpaz tańdalady. Basty júldeger eń kóp laık sany boıynsha anyqtalady. Taǵy eki jeńimpaz daýys berý ádisimen tańdalady.