Elimizde onkologııany anyqtaýǵa jasandy ıntellekt kómektespek

ASTANA. QazAqparat - Qazaqstandyqtardyń onkologııalyq aýrýlarymen emdeýge kómektesetin jasandy ıntellekt engiziledi. Bul jaıynda QR Densaýlyq saqtaý vıtse-mınıstri Aleksandr Tsoı aıtty, dep habarlaıdy QazAqparat.

Úkimet úıinde ótken baspasóz máslıhaty barysynda onkologııalyq aýrýlardy emdeý salasynda jasandy ıntellekt engizilip jatqanyn aıtqan ol: «Qazirgi ýaqytta biz ilki jobany engizý ústindemiz. Ol kognıtıvtik tuǵyrnama sııaqty jáne patsıentiń málimetterin saralaıdy. Álemde bul ónim kóptegen elderde júzege asyrylǵan», - dedi.

Onyń aıtýynsha, atalǵan júıe adam densaýlyǵynyń 60-tan astam túrli parametrlerin saraptap, sonyń negizinde álemdik jetekshi jarııalanymdardy paıdalana otyryp, dıagnoz qoıýǵa usynys beredi.

«Júıe atalǵan málimetterdi, óńdep, adamnyń densaýlyǵynyń jaı-kúıi, emdeý ádisi jaıynda aqparat beredi. Qazirgi ýaqytta bul baǵdarlama onkologııa salasynda ilki joba retinde júzege asyrylyp jatyr jáne taıaý aralyqta biz atalǵan ilki jobanyń alǵashqy nátıjelerin jarııa etpekpiz», - dedi Aleksandr Tsoı.