Elimizde ónerkásip jáne saýda kásiporyndarynyń iskerlik belsendiligi ósip otyr
ASTANA. Jeltoqsannyń 11-i. QazAqparat - Elimizde ónerkásip jáne saýda kásiporyndarynyń iskerlik belsendiligi ósip otyr. Máselen, 2009 jylǵy qarashada ónerkásip kásiporyndarynyń iskerlik belsendiligin sıpattaıtyn kásipkerliktiń senimdilik ındeksi qazan aıymen salystyrǵanda 2 paıyzdyq tarmaqqa ósip, 4 paıyzdy qurady. Bul týraly QazAqparat QR Statıstıka agenttigine silteme jasap habarlaıdy
.«Jaqyn aradaǵy keleshekte, 2010 jyldyń aqpanyna deıin kásiporyndar basshylarynyń baǵalaýy boıynsha, iskerlik belsendiliktiń ósý betalysy saqtalady. Sonymen, kásipkerliktiń senimdilik ındeksi aǵymdaǵy jylǵy qarashamen salystyrǵanda 2 paıyzdyq tarmaqqa ósip, 6 paıyzdy quraıdy», delingen Agenttik taratqan habarlamada.
Agenttiktiń málimetinshe, aǵymdaǵy jylǵy qarashada aǵymdaǵy jylǵy qazanmen salystyrǵanda suralǵan saýda kásiporyndary basshylarynyń baǵalaýlary boıynsha, taýar qorlary deńgeıiniń azaıýy jáne qarjy-ekonomıkalyq ahýalynyń jaqsarýy baıqalǵan. Jaqyn aradaǵy 2-3 aıda respondentter qarjy-ekonomıkalyq ahýalynyń ary qaraıy jaqsarýyn kútedi.
Saýda kásiporyndarynyń iskerlik belsendiligin sıpattaıtyn kásipkerliktiń senimdilik ındeksi aǵymdaǵy jylǵy qarashada aǵymdaǵy jylǵy qazanmen salystyrǵanda 1 paıyzdyq tarmaqqa ósip, 9 paıyzdy qurady (maýsymdyq faktor esebimen). Іskerlik belsendilikke qatysty uqsas jaǵdaı, jetekshilerdiń boljam baǵalary boıynsha 2010 jyldyń aqpanyna deıin kútiledi. Saýda kásiporyndarynyń iskerlik belsendiliginiń ındeksi 2009 jylǵy qarashamen salystyrǵanda 2 paıyzdyq tarmaqqa ósip, 11 paıyzdy quraıdy.
