Elimizde ónerkásip jáne kásipkerler odaǵy quryldy
NUR-SULTAN. QazAqparat - Qazaqstanda «El tiregi» ónerkásip jáne kásipkerler odaǵy quryldy, dep habarlaıdy QazAqparat tilshisi.
«Týra bir aı buryn osyndaı odaqtyń qurylatynyn jarııalaǵan bolatynbyz. Bir aı boıy uıymdastyrý jumystary júrgizildi. Odaqtyń ashylatyn kezi keldi. Quramyna kimderdiń kiretinin, qandaı maqsattardy aldymyzǵa qoıatynymyzdy belgilep aldyq», - dedi elordada odaqtyń tanystyrylýynda belgili qoǵam qaıratkeri Murat Ábenov.
Odaqqa elge belgili tulǵalarmen birge kásipkerler de engen. Tóraǵasy - Parlament Májilisiniń depýtaty Nurjan Áltaev.
«Qazaqstanǵa jahandyq jáne óńirlik naryqtarda básekege qabiletti ónerkásip qajet. Ol úshin Úkimet kóp jumys júrgizdi. Birqatar baǵdarlama, sonyń ishinde údemeli ındýstrııalandyrý memlekettik baǵdarlamasy qabyldandy. Biraq, barlyq sharaǵa qaramastan, ónerkásipte, bizdiń ekonomıkada eleýli ózgerister bolmaı jatyr. ıAǵnı, óńdeý ónerkásibiniń JІÓ-degi úlesi 10 jyl buryn 11 paıyz edi - áli solaı. Onyń ústine biz syrtqy faktorlar tarapynan kásipkerlerimizge eleýli qysym jasalyp jatqanyn kórip otyrmyz», - dedi Nurjan Áltaev.
Depýtattyń aıtýynsha, atalǵan máselelerdi sheshý úshin ymyrasyz báseke zamanynda jeke óndiristi damytý kerek.
«Birneshe maqsattardy kózdep otyrmyz. Bizdiń ekonomıkamyzdy odan ári ártaraptandyrý, ony anaǵurlym turaqty jáne myqty etý úshin ne isteý kerek? Shıkizat sektorynan tys ónerkásipti damytý úshin barynsha ońtaıly jaǵdaı jasaý úshin ne kerek? Álemdik ekonomıkamen bir tolqynda bolý jáne syn-qaterlerge daıyn bolý úshin ne qajet? Bul is-áreketter tek Úkimet tarapynan, memlekettik organdar tarapynan bolmaýy kerek dep esepteımiz. Bıznes, ónerkásip - bizdiń ekonomıkamyzdyń qozǵaýshy kúshteri, olar da muny óz qoldaryna alyp, Úkimetke jáne memlekettik organdarǵa kómek kórsetýi tıis. Odaq óńdeý ónerkásibi, ІT-sala, qyzmet kórsetý men bilim salasyndaǵy qaýymdastyqtardy biriktiredi», - dep túıindedi Nurjan Áltaev.
