Elimizde óndiristi yntalandyrýǵa baǵyttalǵan sharalar qalaı júzege asady

NUR-SULTAN. QazAqparat – Elimizde tabys pen suranysty arttyrýmen birge óndiristi yntalandyrýǵa baǵyttalǵan birqatar sharalar men jobalardy júzege asyrý josparlanyp otyr. Bul týraly Ortalyq kommýnıkatsııalar qyzmetiniń alańynda ótken QR Úkimetiniń rezervinen qarajat bólý máselesine arnalǵan baspasóz konferentsııasynda aıtyldy, dep habarlaıdy QazAqparat tilshisi.

«Azamattar men ekonomıkany qoldaýǵa, onyń ishinde Memleket basshysynyń jeke tapsyrmalaryn oryndaýǵa bólinetin qarajat aıasynda ómir súrý sapasyn jaqsartýmen qatar, tabys pen suranysty arttyrýmen birge óndiristi yntalandyrýǵa baǵyttalǵan birqatar sharalar men jobalardy júzege asyrý josparlanǵan», - deıdi QR Qarjy mınıstrliginiń birinshi vıtse-mınıstri Berik Sholpanqulov.

Ol bul sharalar neniń esebinen júzege asyrylatynyn aıtty.

«Bul sharalar respýblıkalyq bıýdjet shyǵynyn 532,8 mlrd teńgege qysqartý, bıýdjet tapshylyǵyn jalpy ishki ónimniń 3,5% deńgeıine – 840,7 mlrd teńgege jetkizý arqyly júzege asyrylady», - deıdi ol.

Sondaı-aq, respýblıkalyq bıýdjetten keletin shyǵyndar 1,7 trln teńgeni qurady.