Elimizde óndiriletin elektr energııasynyń 68 paıyzy kómirden alynady
Bul týraly Energetıka vıtse-mınıstri Qaırat Rahımov ortalyq kommýnkatsııalar qyzmetinde ótken baspasóz máslıhatynda aıtty.
«2020 jyldyń qorytyndysy boıynsha el boıynsha elektr energııasyn tutyný 100,7 mlrd KVt/saǵatty qurady. Otandyq elektr stansalary 100,8 mlrd KVt/saǵat elektr energııasyn óndirdi. Qazaqstanda elektr energııasy óndirisin ártúrli menshik nysanyndaǵy 179-dan astam nysan, negizinen jeke menshiktegi elektr stansalary júzege asyrady», - degdi vıtse-mınıstr.
Vedomstvo ókili elektr óndirisinde kómirdiń úlesi áli azaımaǵanyn aıtady.
«Qazaqstannyń elektr stansalarynyń jalpy belgilengen qýaty 1 qańtardaǵy jaǵdaı boıynsha 23 myń MVt quraıdy. Qolda bar qýaty - 19 myń M Vt. Óndirý protsesindegi otyn túrleri boıynsha generatsııalaıtyn kózderdiń úlesi bylaısha bólingen: kómirmen - 68 paıyz, gazben - 20 paıyz, SES – 9 paıyz jáne jańartylatyn energııa kózderi - 3 paıyz», - dedi Qaırat Rahımov.
