Elimizde on jylda 114 balalar úıi jabyldy
NUR-SULTAN. QazAqparat- Balalardyń quqyqtaryn qorǵaý komıteti tóraǵasynyń orynbasary ıÝlııa Ovechkına eldegi jetim balalardyń sany týraly málimet berdi, dep habarlaıdy QazAqparat tilshisi.
«Búgingi tańda respýblıkada 23 myńǵa jýyq jetim jáne ata-anasynyń qamqorlyǵynsyz qalǵan balalar bar. Onyń tek 4 myńy ǵana balalar úıinde turady. Ondaı mekemelerdiń sany jyldan-jylǵa azaıyp keledi. Tek sońǵy 10 jylda jetim balalarǵa arnalǵan 114 uıym qysqardy», - dedi ol Ortalyq kommýnıkatsııalar qyzmetinde ótken brıfıngte.
Onyń aıtýynsha, balalar úıiniń qysqarýyna qamqorlyqsyz qalatyn balalardyń azaıýy túrtki bolǵan.
«Búginde elimizde jetim balalar men ata-anasynyń qamqorlyǵynsyz qalǵan balalarǵa arnalǵan 96 uıym jumys isteıdi. Sońǵy 10 jylda osy uıymdardyń tárbıelenýshileriniń jáne jalpy jetim balalardyń kontıngenti el boıynsha 10 myńǵa qysqardy. Al sońǵy 3 jylda kontıngent 2 myń bala tizimnen shyǵaryldy», - dep qorytyndylady ıÝlııa Ovechkına.
