Elimizde oqý oryndaryn bitirgen túlekterdiń 40 paıyzy óz mamandyǵy boıynsha jumys taba almaıdy - M. Baqtııaruly
«Búgingi kúni elimizdiń qoldanystaǵy bilim beretin kásibı standarttary da, oqý josparlary da naryq talabyna sáıkes kelmeıdi. Sondyqtan da elimizdiń ekonomıkasynda bilikti azamattarmen qamtamasyz etý mańyzdy. Men mınıstrdiń nazaryn birqatar máselelerge aýdarǵym keledi. Birinshiden, jyl saıyn elimizde orta kásiptik joǵary oqy oryndaryn 150 myńǵa tarta túlek bitirip shyǵady. Resmı derekterge súıensek, orta mektepti bitirgen jastardyń 63 paıyzy joǵary oqý oryndarynda, 17 paıyzy ǵana kásiptik- tehnıkalyq bilim berý uıymdarynda oqıdy. Al olardyń 40 paıyzdan astamy óz mamandyqtary boıynsha jumys taba almaıdy», - dedi senator.
Onyń aıtýynsha, osy kórsetkishterdiń ózi jyl saıyn elimizde naryqqa qajetti emes ondaǵan myń mamandar daıarlanyp, sonyń saldarynan jumyssyzdar sany artyp otyr. «Sondyqtan da bul máseleni memlekettik turǵydan retteý qajet. Bul úshin Densaýlyq saqtaý jáne áleýmettik damý mınıstrligi Bilim jáne ǵylym mınıstrligimen birlesip, bolashaqta ártúrli sala boıynsha qansha maman qajet ekenin belgilep, boljap bilip otyrýy tıis», dedi M. Baqtııaruly.