Elimizde nesıe alý maqsatynda jalǵan qujattardy qoldanýmen bank salasynda jasalǵan kóptegen alaıaqtyq áreketter anyqtaldy
ASTANA. Mamyrdyń 20-sy. QazAqparat /Ernur Aqanbaı/ - Qarjy polıtsııasy organdary nesıe alý maqsatynda jalǵan qujattardy qoldanýmen bank salasynda jasalǵan kóptegen alaıaqtyq áreketterdi anyqtady.
Bul týraly búgin Astanadaǵy brıfıngte QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) resmı ókili Murat Jumanbaı málim etti.
«Almatyda «Kamaz Transservıs» JShS dırektory Demchenko jáne onyń baǵynyshtylary Tsoı men ıAkýbovıch 6 jyldan 9 jylǵa deıingi merzimge sottaldy. Olar ekinshi deńgeıli bankileriniń birinen jalǵan qujattar arqyly nesıe alý jáne zańdastyrý jolymen 4 mln. AQSh dollaryn urlaǵan», dedi resmı ókil.
M. Jumanbaı Ońtústik Qazaqstan oblysynda Bazarbaevanyń múlkin tárkileýmen 5,6 jyl bas bostandyǵynan aıyrýǵa sottalǵanyn aıtty. Ol jalǵan qujattar paıdalaný arqyly kommertsııalyq bankteriniń birinen 42,6 mln.teńge jymqyrǵan.
Resmı ókil sonymen qatar Qarjy polıtsııasy organdarynyń statıstıkasy kórsetkendeı, qysqa merzimde arzan nesıe alýǵa tyrysatyn azamattar kóp jaǵdaıda alaıaqtardyń qurbanyna aınalyp otyrǵanyn atap ótti. Máselen, Almaty qalasynda Erkinbekova men Aqylbaeva árqaısysy 5 jyldan kesildi. Olar sheteldik bankterdiń birinen nesıe alyp beremin degen aldaýmen B. degen azamattyń 280 myń AQSh dollaryn ıemdenip ketken.
