Elimizde negizgi kapıtalǵa salynǵan ınvestıtsııalar kólemi 2,7 paıyzǵa kem - Statıstıka agenttigi
ASTANA. Qyrkúıektiń 13-i. QazAqparat /Marlan Jıembaı/ - Elimizde negizgi kapıtalǵa salynǵan ınvestıtsııalar kólemi 2,7 paıyzǵa kem. Bul týraly búgin elordada elimizdiń aǵymdaǵy jyldyń qańtar-tamyz aılaryndaǵy áleýmettik-ekonomıkalyq damýynyń qysqasha qorytyndylaryna arnalǵan baspasóz máslıhaty barysynda QR Statıstıka agenttiginiń tóraǵasy Álıhan Smaıylov málim etti.
«Negizgi kapıtalǵa salynǵan ınvestıtsııalar kólemi 2,7 paıyzǵa kem. Oǵan byltyrǵy jylǵy 1-shi jartyjyldyqta úlken ınvestıtsııalyq jobalardyń biri gaz qubyrynyń birinshi kezeginiń iske qosylýy boldy. Al osy qubyrdy esepke almasaq, onda negizgi kapıtalǵa salynǵan ınvestıtsııalardń kólemi ósip keledi», dedi ol óz sózinde.
Jalpy Statıstıka agenttiginiń málimetterine sáıkes, aǵymdaǵy jyldyń qańtar-tamyz aılaryndaǵy negizgi kapıtalǵa salynǵan ınvestıtsııalar kólemi 2671,7 mıllıard teńgeni quraıdy. Bul ótken jyldyń sáıkes kezeńimen salystyrǵanda 2,7 paıyzǵa kem.
