Elimizde «Nazar aýdaryńyz! Temirjol kóligi» saqtandyrý is-sharasy ótkizilýde
ASTANA. Maýsymnyń 3-i. QazAqparat /Ernur Aqanbaı/ - Kólik jáne kommýnıkatsııa mınıstrliginiń Kóliktik baqylaý komıteti respýblıkanyń búkil aýmaǵynda «Nazar aýdaryńyz! Temirjol kóligi» saqtandyrý is-sharasyn ótkizýde,
dep habarlaıdy QazAqparat.
Bul sharanyń maqsaty - temirjoldan ótý kezinde adamdarmen bolatyn qaıǵyly jaǵdaılardyń aldyn alý bolyp tabylady.
«Statıstıkaǵa sáıkes 2009 jyly respýblıkada adamdardy basyp ketý faktileri boıynsha 94 kólik oqıǵasy tirkeldi, olardyń saldarynan 55 adam qaıtys boldy. Al 2010 jyldyń 5 aıynda temirjol kóliginiń adamdardy basyp ketýi boıynsha 40 fakti tirkeldi, onyń ishinde 26 oqıǵada adam qaza boldy, 18 adam jaraqat aldy. Temirjoldan ótý kezinde adam óliminiń oryn alýynyń basty sebebi jaıaý júrginshilerdiń joldan ruqsat etilmegen oryndardan ótýi bolyp tabylady», delingen atalmysh vedomstvonyń baspasóz qyzmeti taratqan habarlamada.
Atalǵan is-shara kóliktegi jelilik ishki ister bólimi jáne áskerılendirilgen temirjol kúzetimen birge ótkizilýde.
Bul sharany ótkizý barysynda temirjol arqyly ótý tártibi jóninde jolaýshylar arasynda túsindirý jumystary júrgizilýde.
Sonymen qatar, kóliktik baqylaý organdary stansylyq joldarda jaıaý júrginshi tóseminiń, siltemelik jáne saqtandyrý jazýlarynyń bolýy, tıisti aqparat translıatsııasynyń, sonymen birge daýystap habarlaý baılanysynyń bolýy jóninde tekserýler júrgizýde.
QR Kólik jáne kommýnıkatsııa mınıstrligi Kóliktik baqylaý komıteti mynalardy habarlaıdy: Belgilenbegen oryndarda temirjoldan ótýge qatań tyıym salynady! Ótýdi tek jaıaý júrginshi joly jáne kópir arqyly júzege asyrý qajet. Abaı bolyńyzdar, sebebi temirjol asa joǵary qaýipti aımaq bolyp tabylady. Temirjoldan ótý erejesin buzýshylyq úshin Qazaqstan Respýblıkasynyń zańnamasymen ákimshilik aıyppul kózdelgen.
