Elimizde naızaǵaıly nóser jaýǵanymen kún sýytpaıdy
ASTANA. QazAqparat - 2017 jyldyń 11-13 mamyr aralyǵynda elimizdiń basym bóliginde ekpindi jel men naızaǵaıly jaýyn jaýady, keı jerlerge burshaq túsedi. Bul týraly «Qazgıdromet» RMK baspasóz qyzmeti habarlady.
Mundaı aýa raıy respýblıka arqyly ótetin jyly, keıinnen sýyq aýa aǵyndaryna baılanysty bolady. Troposferalyq aǵyndar (5 shaqyrym bıiktikte) batys jáne ońtústik-batys baǵytta bolǵandyqtan, kún sýytpaıdy. Aldaǵy táýlikte jańbyr jaýatyn ońtústik, ońtústik-shyǵys jáne shyǵys oblystarda aýa temperatýrasy joǵarylaıdy. 12-13 mamyr kúnderi bul jerlerde kúndiz +27-35ºS bolýy yqtımal.
Astana qalasy boıynsha konsýltatıvtik aýa raıy boljamy
11 mamyr kúni: kún ala bultty, jaýyn-shashynsyz bolady. Batys, ońtústik-batystan soqqan jeldiń ekpini 9-14 m/s-ǵa jetedi. Aýa temperatýrasy túnde +12+14°S, kúndiz +25+27°S.
12 mamyr kúni: kún ala bultty, jaýyn-shashynsyz. Ońtústik-batystan soqqan jel soltústikke qaraı aýysyp, onyń ekpini 9-14, kúndiz 15-20 m/s-ǵa jetedi. Aýa temperatýrasy túnde +14+16°S, kúndiz +27+29°S.
13 mamyr kúni: kún ala bultty, kúndiz jańbyr jaýady. Soltústik, soltústik batystan soqqan jeldiń ekpini 9-14 m/s-ǵa jetedi. Aýa temperatýrasy túnde +10+12°S, kúndiz +22+24°S.
Almaty qalasy boıynsha konsýltatıvtik aýa raıy boljamy
11 mamyr kúni: kún ala bultty, túnde jáne tańerteń ótkinshi jańbyr jaýyp, naızaǵaı oınaıdy. Jeldiń ekpini - 0-5, nóser jaýǵanda 8 m/s bolady. Aýa temperatýrasy túnde +13+15°S, kúndiz +25+27°S.
12 mamyr kúni: kún ala bultty, jaýyn-shashynsyz bolady. Jeldiń ekpini - 0-5 m/s. Aýa temperatýrasy túnde +11+13°S, kúndiz +27+29°S.
13 mamyr kúni: kún ala bultty, jaýyn-shashynsyz bolady. Jeldiń ekpini - 0-5 m/s. Aýa temperatýrasy túnde +13+15°S, kúndiz +29+31°S.
