Elimizde naýryzdyń 1-nen bastap vızalardy berýdiń jańa erejeleri kúshine enedi
ASTANA. Aqpannyń 19-y. QazAqparat /Errnur Aqanbaı/ - Aǵymdaǵy jylǵy naýryzdyń 1-nen bastap QR Syrtqy ister mınıstrliginiń jáne QR Іshki ister mınıstrliginiń birlesken buıryǵymen bekitilgen «Qazaqstan Respýblıkasynyń vızalaryn berý erejeleri» kúshine enetin bolady.
Bul týraly búgin Astanada QR Syrtqy ister mınıstrligi Konsýldyq qyzmet departamentiniń dırektory Samat Jańabaı aıtty, dep habarlaıdy QazAqparat.
Onyń aıtýynsha, jańa Erejelerdi qabyldaýdaǵy negizgi maqsat - onyń qaǵıdalaryn qazirgi kóshi-qon jaǵdaıymen sáıkestendirý, sonymen qatar Qazaqstan aýmaǵyna shetel azamattarynyń kelýin retteý. «Atap óterligi, Erejelerde tuńǵysh ret vızanyń «mıssıonerlik» jáne «shyǵý» aty jańa sanattary engizildi. Mıssıonerlik vızany engizý dinı-aǵartýshylyq qyzmetpen shuǵyldanatyn sheteldikterdiń Qazaqstan aýmaǵyna kelýin retteý maqsatymen baılanysty. Shyǵý vızalary Qazaqtan aýmaǵynda turaqty turatyn jáne shetelge turaqty turýǵa shyǵatyn, sondaı-aq shekaradan ótýge quqyq beretin Qazaqstan aýmaǵynda joǵalǵan pasportqa nemese basqa da qujattarǵa beriletin bolady», dedi S. Jańabaı.
Onyń sózine qaraǵanda, sonymen qatar Erejede «vızalardyń túrleri» degen uǵym alynyp tastalǵan. Barlyq vızalar, joǵaryda atalǵan «shyǵaý» sanatynyn basqasy, «kirý-shyǵý» dep beriledi. Buǵan qosa, úsh mártelik jeke sapar jáne týrıstik vızalar berý týraly tájirıbe engizilgen. Bular 90 kúndik merzimge deıin beriledi. Erejelerde memlekettik organdardyń, Qazaqstanda tirkelgen dıplomatııalyq ókildikterdiń, sheteldik memleketterdiń konsýldyq mekemeleriniń, halyqaralyq uıymdardyń shaqyrtýy boıynsha Qazaqstan aýmaǵyna keletin sheteldik azamattardan tys zańdy tulǵalardyń shaqyrtýymen keletin «iskerlik» sanatyndaǵy vızamen keletin shetel azamattarynyń vızalary uzartylmaıdy. Buǵan qosa «jeke sapar», «týrıstik», «mıssıonerlik», «tranzıttik» sanattaryndaǵy vızalar uzartylmaıdy. Elimizge sheteldikterdiń kelýine qatty negiz bolsa ǵana, vızalar uzartylýy múmkin. Sonymen birge, Erejede sheteldikterdiń Qazaqstan aýmaǵynda júrýiniń jalpy merzimin shekteý qarastyrylǵan. Atap aıtqanda, úsh jyl merzimge beriletin «iskerlik» sanatyndaǵy vıza boıynsha sheteldikter elimizdiń aýmaǵynda jylyna 120 táýlikten artyq júre almaıdy. 90 táýlikke deıin beriletin «týrıstik» sanatyndaǵy vıza boıynsha sheteldikter árbir kelgen saıyn elimiz aýmaǵynda 30 táýlikten artyq bola almaıdy. Qazirgi Erejelerdiń burynǵy nusqaýlyqtan ereksheligi - sheteldik azamattardy shaqyrtýdaǵy rásimdeý tártibi ońaılatylǵan. ıAǵnı, jańa Erejege sáıkes, shaqyrýshy mekeme vızalyq qoldaýǵa ruqsat alý úshin jeke sapardy sanamaǵanda, kóshi-qon polıtsııasy organynyń kelisiminsiz tikeleı Syrtqy ister mınıstrligine ótinish bildire alady.
