Elimizde nashaqorlyq pen esirtki bıznesi problemasy áli kúnge deıin ózekti bolyp otyr - Kóliktegi Іshki ister departamenti
ASTANA. 27 jeltoqsan. QazAqparat - «Elimizde nashaqorlyq pen esirtki bıznesi problemasy áli kúnge deıin óz kókeıkestiligin joǵaltpaı otyr.
Al Shý alqaby men Aýǵanstannan zańsyz kelip jatqan esirtki osy máselege qatysty jaǵdaıdy ýshyqtyra túsýde», dep habarlaıdy Іshki ister mınıstrliginiń Kóliktegi ishki ister departamentiniń baspasóz qyzmeti.
Eldegi sertki tasymaldaý men nashaqorlyqtyń aldyn alý jáne jastardy esirtkige qarsy tárbıeleý maqsatynda memleket, qoǵamdyq, úkimettik emes uıymdar, bilim, quqyq qorǵaý organdary keshendi sharalardy júzege asyryp keledi. Mysaly 26 jeltoqsanda Іshki ister mınıstrliginiń Kóliktegi ishki ister departamentiniń Esirtki bıznesine qarsy kúres bóliminiń aǵa jedel ýákili, polıtsııa kapıtany Orynbaı Dúısenbıev Astana qalasyndaǵy S.Seıfýllın atyndaǵy Qazaq agrotehnıkalyq ýnıversıtetiniń sport zaldaryn aralap, osynda jattyǵyp jatqan stýdentter arasynda esirtkige qarsy úgit-nasıhat jumystaryn júrgizdi. Shara barysynda polıtsııa kapıtany stýdentterge nashaqorlyqtyń zııany, onyń adam aǵzasyna tıgizer zardaby jaıly baıandap, esirtki qylmysyn jasaǵandarǵa qatysty qoldanylatyn jaza túrleri jóninde de eskertip ótti.
