Elimizde nan baǵasy qymbattaı ma

NUR-SULTAN. QazAqparat - Ortalyq kommýnıkatsııalar qyzmetinde ótken brıfıngide QR AShM ósimdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov «Qazaqstandaǵy janarmaı baǵasynyń ósýinen nan qymbattamaı ma?» degen suraqqa jaýap berdi, dep habarlaıdy QazAqparat tilshisi.

«Janar-jaǵarmaıdyń baǵasynyń ósýi máselesi bizdiń elde óte ózekti másele emes, óıtkeni memleket aýylsharýashylyq taýar óndirýshilerin qoldaý sharalaryn qabyldap, jyl saıyn arzan janar-jaǵarmaı materıaldaryn bólip otyr. Jylyna 900 myń tonnaǵa deıin bólinedi, baǵasy janarmaı quıý beketterine qaraǵanda 15-20% tómen. Sondyqtan baǵanyń ósýi túpkilikti ónimge áser etpeıdi dep oılaımyz», - deıdi Azat Sultanov.

Onyń aıtýynsha, qazir jaǵdaı baqylaýda.

«Bul másele baqylaýda. Arzandatylǵan janar-jaǵarmaılar kestege sáıkes aımaqtarǵa - negizinen kóktemgi dala jumystaryna daıyndyq bastalǵan ońtústik aımaqtarǵa jóneltildi», - deıdi ol.