Elimizde munaıǵa arnalǵan kedendik baj salyǵy 1 tonnasy úshin 40 dollarǵa deıin ulǵaıtyldy

QR Úkimetiniń 2010 jylǵy 30 jeltoqsandaǵy №1445 qaýlysy búgin «Egemen Qazaqstan» gazetinde jarııalandy.

«Baj stavkasy (1000 kg úshin dollarmen)» degen baǵandaǵy «20» degen sandar «40» degen sandarmen aýystyrylsyn», delingen qujatta.

Qaýly 2011 jylǵy 1 qańtardan bastap qoldanysqa engiziledi.

Tómende qaýlynyń tolyq mátinin taratamyz:

Qazaqstan Respýblıkasy Úkimetiniń qaýlysy №1445

2010 jylǵy 30 jeltoqsan, Astana, Úkimet Úıi

Qazaqstan Respýblıkasy Úkimetiniń 2005 jylǵy 15 qazandaǵy №1036 qaýlysyna ózgerister engizý týraly

Qazaqstan Respýblıkasynyń Úkimeti qaýly etedi:

1. «Shıki munaı men munaıdan jasalǵan taýarlarǵa kedendik áketý bajdary týraly» Qazaqstan Respýblıkasy Úkimetiniń 2005 jylǵy 15 qazandaǵy №1036 qaýlysyna (Qazaqstan Respýblıkasynyń PÚAJ-y, 2005 j., №38, 533-qujat) mynadaı ózgerister engizilsin:

kórsetilgen qaýlyǵa qosymshada:

«SEQ TN boıynsha taýardyń jikteýishi» degen baǵanda:

«2709 00 900 2, 2709 00 900 8» degen sandar «2709 00 900 3, 2709 00 900 7» - degen sandarmen aýystyrylsyn;

«Baj stavkasy (1000 kg úshin dollarmen)» degen baǵandaǵy «20» degen sandar «40» degen sandarmen aýystyrylsyn.

2. Qazaqstan Respýblıkasy Syrtqy ister mınıstrligi eki apta merzimde Eýrazııalyq ekonomıkalyq qoǵamdastyǵy Integratsııalyq komıtetiniń Hatshylyǵyn Qazaqstan Respýblıkasynyń Úkimeti qabyldaıtyn syrtqy saýda qyzmetin retteý jónindegi sharalar týraly habardar etsin.

3. Osy qaýly 2011 jylǵy 1 qańtardan bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri K.MÁSІMOV.