Elimizde munaı óndirý kólemi bir jylda 14 paıyzǵa ósti

NUR-SULTAN. QazAqparat – Osy jyldyń qańtar aıynda QR-da 6,7 mln tonna shıki munaı óndirildi. Bul kórsetkish bir jyl burynǵyǵa qaraǵanda birden 14,2%-ǵa artyq, dep habarlaıdy QazAqparat EnergyProm-ǵa silteme jasap.

Óńirlik bóliniste munaı óndirýdiń eń úlken kólemi dástúrli túrde Atyraý oblysyna tıesili: 4,6 mln tonna, plıýs 23,4%. Kóshbasshylar úshtigine sondaı-aq Mańǵystaý (1,4 mln tonna, jylyna 0,5%) jáne Aqtóbe (395,5 myń tonna) oblystary kirdi.

Óńirlerde «Nort Kaspıan Opereıtıng Kompanı N. V.» fılıaly, «Teńizshevroıl» JShS, «Embimunaıgaz» AQ (Atyraý oblysy), «Qarajanbasmunaı» AQ, «Mańǵystaýmunaıgaz» AQ, «Qaraqudyqmunaı» JShS (Mańǵystaý oblysy) jáne basqa da kompanııalar jumys isteıdi.
Jalpy, 2021 jyldyń qańtar–jeltoqsan aılarynda kásiporyndar 73,7 mln tonna shıki munaı óndirdi — bul ótken jyldyń sáıkes kezeńimen salystyrǵanda 1%-ǵa kóp.
2021 jyldyń qańtar-jeltoqsan aılarynda Qazaqstan 31,1 mlrd AQSh dollaryn quraıtyn 65,7 mln tonna shıki munaıdy eksportqa jiberdi.
TMD elderine 54,6 mln AQSh dollar somasyna 131,6 myń tonna shıki munaı jiberildi. Bul kólemdi Reseı men Ózbekstan bólip alǵan.
Qazaqstan TMD-ǵa kirmeıtin elderge 31 mlrd AQSh dollar somasynda 65,6 mln tonna shıki munaı eksporttaǵan. Onyń basym bóligi ádettegideı Italııaǵa jiberilgen: (17,9 mln tonna). Odan keıin Nıderlandy, Frantsııa, Qytaı men Túrkııa tur.
Investfunds málimetinshe, munaı barreli 2022 jyldyń 4 naýryzynda 118,1 AQSh dollaryn quraǵan. Bir kúnde barrel quny 6,9%-ǵa, bir aıda 32%-ǵa, úsh aıda 69%-ǵa, bir jylda 77%-ǵa ósti.