Elimizde munaı qubyrlarynyń kúzetiletin ýchaskelerinde munaı urlaý kezinde 80-nen astam zań buzýshy jáne 50 munaı tasymaldaýshy kólik ustaldy - «Semser-Security»
ASTANA. Qazannyń 2-si. QazAqparat - «QazMunaıGaz» kompanııalar toby munaı qubyrlarynyń qaýipsizdigi boıynsha sharalaryn kúsheıtýde, dep habarlady «Semser-Security» jaýapkershiligi shekteýli seriktestiginiń baspasóz qyzmetinen.
2010 jyldyń 9 aıynda «Semser Security» JShS bólimsheleriniń qyzmetkerleriniń jeke áreketteriniń nátıjesinde, sonymen qatar quqyq qorǵaý organdarymen birlesip júrgizilgen operatsııalardyń barysynda kúzetiletin munaı qubyrlarynyń túrli aýmaǵynda munaı urlaý faktileri kezinde sátti ótkizilgen 24 arnaıy sharanyń barysynda 81 quqyq buzýshy jáne 50 munaı tasymaldaýshy kólik ustaldy.
«Jalpy 2007-2010 jyldar aralyǵynda munaı urlyǵymen aınalysatyn 54 qylmystyq top aýyzdyqtaldy. Osy merzim ishinde munaı urlyǵyna mamandanǵan 150-den astam adam jáne 80 shaqty munaı tasymaldaý kólikteri ustalyp, quqyq qorǵaý organdaryna tapsyrylǵan», delingen baspasóz baıanynda.
Bıyl kompanııa basshylyǵy magıstraldy munaı qubyrlaryna zańsyz qol suǵýshylyqtyń aldyn alýda kórsetken kásıbılikteri úshin 50-den astam qyzmetkerdi yntalandyrdy. Olardyń birqatary quqyq qorǵaý organdary tarapynan da gramotalar men eskertkish belgilermen marapattaldy.
«Semser Security» JShS - elimizdiń munaıgaz salasynyń qaýipsizdigin qamtamasyz etý salasynda eńbek etedi. Seriktestiktiń birden bir aktsıoneri - «QazMunaıGaz» UK.
