Elimizde múgedektikti rastaý protsesi jeńildedi

NUR-SULTAN. QazAqparat – Elimizde endigi ýaqytta múgedektikti rastaý sharasy jeńildeı túspek. Búginde atalǵan jańashyldyq keıbir óńirlerde pılottyq joba retinde júzege asyp jatyr. Bul týraly QR Prezıdentiniń kómekshisi Erlan Qarın málim etti, dep habarlaıdy QazAqparat tilshisi.

«Prezıdent júktegen taǵy bir mindet - elimizde múgedektikti rastaý protsesin jeńildetý. Óıtkeni, múgedek jandar jyl saıyn arnaıy komıssııadan ótedi. Dárigerlerdiń tekserýi bar, ondaǵy kezek munyń bári uzaqqa sozylatyn protsess. Memleket basshysy osyny qysqartyp, júıeleýdi talap etti. Atalǵan tapsyrma aqpan aıynda berilip, quzyrly organdar dereý iske kóshti. 1 qazannan bastap Prezıdenttiń bul tapsyrmasy elimizdiń keı óńirlerinde pılottyq joba retinde júrip jatyr. Al tolyqtaı kelesi jyldyń qańtarynan bastap iske qosylady», - dedi Erlan Qarın «Habar 24» telearnasyna bergen suhbatynda.

Onyń aıtýynsha, múgedektikti rastaý protsesin jeńildetý úshin birneshe memlekettik organdardyń qyzmeti biriktirildi.

«Osylaısha Memleket basshysy mindettegen júk, bir jylǵa jetpeıtin ýaqyttyń ishinde júzege asyp jatyr. Árıne, aıtýǵa ońaı, al is júzinde bul ýaqytty talap etetin jumys. Degenmen tapsyrma berildi, demek ol oryndalýy tıis. ıAǵnı azamattar úshin qoljetimdilikti qamtamasyz etip, isti avtomattandyrýymyz kerek», - deıdi ol.

Buǵan deıin Prezıdent kómekshisi elimizde múgedek jandardyń suranysyna ıe nysandardyń kartasy jasalǵanyn málim etti.

Odan bólek, Memleket basshysy Qasym-Jomart Toqaevtyń Joldaý aıasynda júktegen mindetterdiń qalaı iske asyp jatqany aıtyldy.