Elimizde múgedektigi bar adamdar sany 700 myńnan astamdy quraıdy
«Qazirgi kezde elimizde múgedektigi bar adamdar sany 700 myńnan asty. Bul kórsetkish elimizdegi jalpy halyq sanynyń 3,7 paıyzyn qurap otyr», - dedi Senat depýtaty Lázzat Qaltaeva palatanyń jalpy otyrysynda.
Eńbek jáne halyqty áleýmettik qorǵaý mınıstrliginiń málimetine qaraǵanda, atalǵan 700 myń adamnyń 59 paıyzy eńbekke qabiletti jasta, sondaı-aq bul sanattaǵy balalar 14,7 paıyzdy qurady.
Budan buryn habarlanǵandaı, búgin Senattyń jalpy otyrysynda depýtattar «Múgedekterdiń quqyqtary týraly konventsııaǵa fakýltatıvtik hattamany ratıfıkatsııalaý týraly» Zańdy maquldady.
Zańnyń maqsaty - 2006 jylǵy 13 jeltoqsanda Birikken Ulttar Uıymynyń Bas Assambleıasy qabyldaǵan Múgedekterdiń quqyqtary týraly konventsııaǵa fakýltatıvtik hattamany ratıfıkatsııalaý.
