Elimizde mindetti áleýmettik medıtsınalyq saqtandyrý júıesine ený úshin emhanalarǵa tirkelý naýqany bastaldy
ASTANA. QazAqparat - Mindetti áleýmettik medıtsınalyq saqtandyrý tártibi engizilgennen keıin, áleýmettik jaǵynan az qamtylǵan 15 sanattaǵy azamattar úshin mindetti áleýmettik medıtsınalyq saqtandyrý júıesine jarnany memleket tóleıdi.
Emhana - adamdarǵa medıtsınalyq kómek kórsetetin, sondaı-aq, aýrýdyń aldyn alý sharalaryn júrgizetin mekeme. Bunda Sizdiń qaı mekenjaıǵa tirkelgenińiz mańyzdy. Sebebi, azamat bir mekenjaıda turǵylyqty ómir súrgenimen, sol jerge tirkelmegen bolýy múmkin. Osy rette azamatqa medıtsınalyq qyzmet kórsetý boıynsha qıyndyqtar týyndaıdy.
Sol sebepti ár qazaqstandyq azamat 5 sáýir men 31 maýsym aralyǵynda áleýmettik medıtsınalyq saqtandyrý júıesinde óz mártebesin anyqtaý kerek», - dedi Lıazat Aqtaeva.
Úsh aı aralyǵynda júrgiziletin tirkelý naýqany óz kezeginde óte mańyzdy shara bolyp tabylady. Bul - mindetti áleýmettik medıtsınalyq saqtandyrý júıesin engizýge daıyndyq kezeńi bolyp tabylady.
Ár azamat qazirden bastap, óziniń azamattardyń qaı sanatyna jatatynyn anyqtaǵan jón. Ol úshin jarnany kim tóleıdi: memleket pe, jumys berýshi me, álde, ózi me? Bastysy- osyny túsinip alý.
Azamattardy alǵashqy medıtsınalyq-sanıtarııalyq kómek kórsetý uıymdaryna tirkeý turaqty nemese ýaqytsha turatyn jeri, jumys, oqý, dárigerdi erkin tańdaý, medıtsınalyq uıymdy bir ákimshilik-aýmaqtyq birlik quzyreti boıynsha júzege asyrylady. Mundaı jaǵdaıda azamattar dáriger men emhanany erkin tańdaǵan kezde emhanaǵa tirkelý bir jylda bir retten artyq bolmaýy tıis.
ÁMSQ uıymdaryna tirkelý úshin azamat sol uıymǵa ótinish bildirýi qajet. Al otbasy múshelerin tirkeý úshin olardyń jazbasha kelisimimen birge árbireýiniń jeke bas kýáligi bolýy shart.
QR DSM Medıtsınalyq kómekti uıymdastyrý departamenti ókilderiniń sózine súıinsek, emhanany tańdaý kezinde medıtsınalyq qyzmet kórsetýshi uıymnyń sizdiń turǵylyqty mekenjaıyńyzǵa jaqyn bolǵany jón. Bul Sizge jáne Sizdiń ýchaskelik dárigerińizge de yńǵaıly. Jedel kómek qajet bolǵanda ýaqytynda kelgen dáriger jedel jáne sapaly kómek kórsete alady.
Azamattardy emhanaǵa tirkeý MÁMS júıesine qatysý úshin óte mańyzdy. Óıtkeni emhana arqyly densaýlyq saqtaý júıesine jáne atap aıtqanda, saqtandyrylǵan azamattar - medıtsınalyq saqtandyrý paketi aıasynda medıtsınalyq qyzmetter paketine qol jetkizedi
Sonymen Siz emhanany tańdadyńyz, endi oǵan qalaı tirkelý kerek? Muny júzege asyrý óte ońaı.
Bul úshin Sizge emhanaǵa jeke kýáligińizben kelip, bas dárigerdiń atyna ótinish jazý qajet. Ótinishti tirkeý qabyldaý barysynda Sizden eshqandaı mekenjaı anyqtamasy talap etilmeıdi. Sizdi tirkeý ótinish túsken kúni júzege asyrylady.
Emhanaǵa tirkelýdiń ekinshi tásili "Elektrondy úkimet" (egov.kz) portaly arqyly júzege asyrylady. Ol úshin elektrondyq qujat nysanynda azamattyń málimetterin kórsete otyryp, suraý salý qajet. Emhanadaǵy jaýapty qyzmetker elektrondyq suraý salýdy tıisti aqparattyq júıelerden alady jáne azamattyń tirkeý týraly talonyn rásimdeıdi. Odan keıin azamattyń tirkelgeni týraly aqparatty "egov" portalyndaǵy «Emhanany tańda» bóliminen alýǵa bolady.
Sondaı-aq, azamat tek bir emhanada ǵana tirkele alady jáne onyń birýaqytta birneshe emhanaǵa tirkelýi múmkin emes. Azamattardyń ózderi ótinishtermen kelip, ÁMSQ uıymdaryna tirkeý kezinde, budan buryn bekitilgen BMSK uıymdarynan avtomatty túrde shyǵarý «Azamattardy tirkeý regıstri» portaly arqyly júzege asyrylady.
