Elimizde memlekettik qyzmetshiler arasynda áıelderdiń úlesi 55 paıyz boldy
ASTANA. QazAqparat – Elimizde memlekettik qyzmetshiler sany 90 myńnan asty. Bul týraly Senattyń jalpy otyrysynda depýtat Aınur Arǵynbekova aıtty, dep habarlaıdy QazAqparat tilshisi.
«Memlekettik qyzmet isteri agenttigi málimetine qaraǵanda, 2023 jyldyń 1 qańtaryndaǵy jaǵdaı boıynsha memlekettik qyzmetshiler sany 90 myńnan astam boldy. Memlekettik qyzmettegi áıelderdiń úlesi 55,4 paıyzǵa jetti», - dedi A. Arǵynbekova.
Onyń aıtýynsha, basshylyq qyzmettegi áıelderdiń úlesi 39,2 paıyz deńgeıinde.
«Keıingi 5 jylda memlekettik qyzmetshilerdiń ortasha jasy 39 shamasynda», - dedi senator.
Aıta keteıik, búgin Senatta «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasy birinshi oqylymda talqylanyp jatyr.
