Elimizde medıtsınalyq uıymdarǵa qoıylatyn talaptar joǵarylady
Ortalyqtyń habarlaýynsha, erikti akkredıtteýden Qazaqstandaǵy medıtsınalyq uıymdardyń 30 protsenti ǵana ótken.
2018 jyly Qazaqstannyń 95 medıtsınalyq uıymy erikti akkredıtteýden ótti. Onyń ishinde 65 memlekettik, 30 jeke menshik uıym bar. Nátıjesinde, 10 uıym (10,5%) joǵary sanatty, 43 uıym (45,3%) - birinshi sanatty, 38 uıym (40%) - ekinshi sanatty alsa, 4 uıym (4,2%) mejelengen kórsetkishke jete almady.
«Medıtsnalyq qyzmettiń sapasy men em qaýipsizdigin arttyrý úshin álem elderi medıtsnalyq uıymdardy akkredıtteýden ótkizedi. Sarapshylar quramynda dárigerler, medbıkeler, ǵımarattyń qaýipsizdigin tekseretin mamandar 500-den astam standart boıynsha aýrýhanalar men emhanalardy, ınstıtýttardy tekseredi. Úsh jylda bir ret osyndaı tekserýden ótetin uıymdarda qaýipsizdik pen em sapasynyń standarttary saqtalady», - dedi QR DSM respýblıkalyq Densaýlyq saqtaýdy damytý ortalyǵynyń dırektory Aınur Aıyphanova.
Onyń aıtýynsha, elimizde medıtsınalyq uıymdardy erikti akkredıtteý 2009 jyly bastaldy jáne Qazaqstan - mundaı tekserýdi júrgizetin TMD aýmaǵyndaǵy jalǵyz memleket.
«Halyqaralyq tájirıbege saı, damyǵan memleketter akkredıtatsııany 10-20 tipti 30 jyl erikti túrde júrgizedi, keıin barlyq medıtsınalyq uıym talapqa saı bolǵan soń, mindetteıdi. Akkredıtteýden ótpeı qalǵan uıymdarǵa qarajat bólmeıdi, shara qoldanady. 10 jylda Qazaqstandaǵy akkredıtteý standarttary úsh ret qaıta bekitildi. Sebebi, medıtsına damyǵan saıyn oǵan qoıylatyn talaptardy da 3-4 jylda jańartyp otyrý qajet. Bıylǵy jazda standarttyń úshinshi nusqasy shyqty. Onyń sany da, sapasy da artty. Buǵan deıin medıtsınalyq uıymdarǵa 200 ǵana talap qoıylsa, qazir 500-den asty», - dep túsindirdi ortalyq basshysy.
