Elimizde medıtsınalyq uıymdarda AITV-ny juqtyrý qaýpi barynsha tómendetilgen
Qazirgi tańda elimizdiń barlyq statsıonarlary men emhanalarynda ınfektsııalyq baqylaý baǵdarlamalary bar. Sonymen qatar, medıtsınalyq buıymdar men ınfýzıondyq eritpelerdi bir ret qoldaný qamtamasyz etilip, jeke qorǵaný zattary jáne t.b. qoldanylýda.
Sonymen birge, epıdemıologııalyq jaǵdaıdy baqylaýdy kúsheıtý, sondaı-aq, AITV-ny kásibı juqtyrýdyń profılaktıkasy maqsatynda 2015 jyly «Klınıkalyq jáne epıdemıologııalyq kórsetilimder boıynsha adamdardy AITV ınfektsııasynyń bolýyna mindetti qupııa medıtsınalyq zerttep-qaraý qaǵıdalaryn bekitý týraly» QR DSÁDM buıryǵyna ózgerister engizilgen bolatyn. Ózgeristerge saı, qanmen jáne ózge de bıologııalyq suıyqtyqtarmen jumys isteıtin medıtsınalyq qyzmetkerler jylyna 2 ret AITV-ǵa tekserilýi mindetti.
Qoldanylǵan sharalar nátıjesinde AITV-ny anyqtaý maqsatynda testilenetin medıtsınalyq qyzmetkerler kontıngentiniń ulǵaıýyna sáıkes 2016 jyldyń 1 jartyjyldyǵynda medıtsınalyq qyzmetkerlerdi tekserý 1,8 esege artty, 2015 jylmen salystyrǵanda medıtsınalyq qyzmetkerler arasynda AITV tirkelgen jaǵdaılar 4,4 esege ulǵaıǵan.
Densaýlyq saqtaý júıesi men halyqtyń densaýlyǵy kodeksiniń 113 babyna sáıkes, AITV ınfektsııasy anyqtalǵan medıtsınalyq qyzmetkerler teriniń jamylǵysh qabaty nemese shyryshty qabyqsha tutastyǵynyń buzylýymen baılanysy joq basqa jumysqa aýystyrylady.
Joǵaryda atalǵan sharalar barlyq medıtsınalyq amaldardyń qaýipsizdigin qamtamasyz etti, respýblıkanyń medıtsınalyq uıymdaryndaǵy AITV-ny juqtyrý qaýpin tómendetip, halyq arasyndaǵy AITV ınfektsııasyn anyqtaý kórsetkishin arttyrdy, sonymen qatar, antıretrovırýstyq terapııa tasymaldaýshylaryn ýaqytyly emdeýdi qamtamasyz etti.
Antıretrovırýstyq terapııany qabyldaıtyn AITV ınfektsııasyn tasymaldaýshylar qoǵam úshin eshqandaı qaýip tóndirmeıtinin atap aıtý kerek. Emdeý sharalary vırýsty juqtyrý qaýpin tómendetip, tasymaldaýshylarǵa deni saý náreste týýǵa, qoǵamnyń tolyqqandy múshesi bolýǵa múmkindik beredi.