Elimizde Medıtsınalyq qyzmetter sapasy jónindegi birlesken komıssııa quryldy

ASTANA. QazAqparat - QR Densaýlyq saqtaý jáne áleýmettik damý mınıstrligi janynan Medıtsınalyq qyzmetter sapasy jónindegi birlesken komıssııa quryldy. Atalǵan komıssııa quramyna mınıstrlik ókilderinen bólek, depýtattar, profıldi qaýymdastyqtar ókilderi, sondaı-aq «Atameken» Ulttyq kásipkerler palatasy Basqarma Tóraǵasynyń orynbasary ıÝlııa ıAkýpbaeva enip otyr. Bul týraly palatanyń baspasóz qyzmetinen habarlandy.

Komıssııa medıtsınalyq qyzmetterdiń sapasyn arttyrý boıynsha usynymdar ázirleýmen, otandyq densaýlyq saqtaý salasynda aldyńǵy qatarly standarttar engizý jóninde usynymdar daıyndaýmen aınalysady. Budan bólek, Medıtsınalyq qyzmetter jónindegi birlesken komıssııa óz quzyretteri sheginde máselelerdi qarastyrý úshin saraptamalyq jáne jumys toptaryn qurýǵa quqyly bolady, múddeli taraptarmen ózara árekettestikti retteýdi bekitýdi júzege asyrady. «Sonymen birge taldaýlar, baǵalaýlar men saraptamalar jasaý maqsatynda qajettiligine qaraı mınıstrliktiń shtattan tys mamandaryn, sarapshylardy, úkimettik emes jáne halyqaralyq uıymdar ókilderin, densaýlyq saqtaý sýbektilerin komıssııa jumysyna tarta alady. Densaýlyq saqtaý salasynda zańnamany jetildirý úshin usynystar engizýge de quzyreti bolady», delingen baspasóz baıanynda.