Elimizde medıtsınalyq kómek kórsetýdiń úsh deńgeıli júıesi engiziledi
«Halyqaralyq praktıkaǵa sáıkes medıtsınalyq kómektiń joǵary sapasyna qol jetkizý tásilderi qaıta qaraldy. Medıtsınalyq kómek kórsetýdiń úsh deńgeıli júıesi, atap aıtqanda alǵashqy, ekinshi, úshinshi júıesi belgilenedi. Medıtsınalyq kómek kórsetýdiń ıntegratsııalanǵan modeli engiziledi. Tegin medıtsınalyq kómektiń kepildendirilgen kólemi, Mindetti áleýmettik medıtsınalyq saqtandyrý jáne jáne erikti medıtsınalyq saqtandyrý aıasynda medıtsınalyq kómek kólemin aıqyndaý boıynsha normalar reglamentteldi. Dıspanserızatsııanyń aýrýlardy basqarý baǵdarlamasyna ótý qarastyrylady», - dedi ol Májiliste «Halyq densaýlyǵy jáne densaýlyq saqtaý júıesi týraly» Kodeks jobasynyń jańa redaktsııasyn tanystyrý barysynda.
Onyń atap ótýinshe, qaýipsiz medıtsınalyq kómekpen qamtamasyz etý maqsatynda medıtsınalyq kómek kórsetýdi standarttaýdaǵy biryńǵaı tásil, transplanttaý ınstıtýtyn jetildirý, medıtsınalyq kómek kórsetý salasynda memlekettik baqylaýdy kúsheıtý kózdeledi.
⦁ «Kórsetilgen túzetýlerdi qabyldaý nátıjesinde medıtsınalyq kómek neǵurlym qoljetimdi, onyń ishinde aýyldyq jerlerde qoljetimdi bolady. Alǵashqy medıtsınalyq kómek sapasy artady. Medıtsınalyq qyzmet kólemderiniń shekaralary túsinikti bolady. Infektsııalyq emes negizgi aýrýlardy basqarý sapasy artady. Sonymen qatar kórsetiletin medıtsınalyq kómektiń sapasyn baqylaý kúsheıtiledi», - dedi Eljan Birtanov.