Elimizde medıtsına mamandaryn daıarlaý sapasy syn kótermeıdi - Q. Toqaev
Sóz barysynda spıker Memleket basshysynyń densaýlyq saqtaý salasy boıynsha aldyǵa júktegen mindetterge toqtala kele, ony tıimdi oryndaýda medıtsına kadrlaryn daıarlaý sapasynyń mańyzdy ekenin atap ótti. «Moıyndaýymyz kerek, bul baǵytta bizdegi jaǵdaı jaqsy emes, syn kótermeıdi. Jyl saıyn qoǵamdyq ómirdiń strategııalyq salasy sanalatyn medıtsınaǵa bizdiń joǵary oqý oryndarymyzdy tamamdaǵan júzdegen daıarlyǵy tómen mamandar kelip jatyr. Qajetti bilim men daǵdynyń joqtyǵynan olar ulttyq densaýly saqtaý júıesine zalalyn da keltirýde. Bul - jalpyǵa moıyndalǵan fakt. Ol týraly barshańyz da bilersizder», - dep atap ótti Senat Tóraǵasy.
Deı turǵanmen, palata spıkeri Qazaqstannyń qalalarynda joǵary bilikti mamandar bar ekenin, olar qarapaıym aýrýhanalar men klınıkalarda qyzmet etip jatqanyn da tilge tıek etti.
Budan bólek, Q. Toqaev medıtsına qyzmetkerleriniń áleýmettik máselelerine de toqtalyp ótti. Onyń aıtýynsha, eńbekaqy tóleýdiń jańa modeline sáıkes, medıtsına qyzmetkerleriniń jalaqysy 7-den 25 paıyzǵa artady. Bul rette spıker atalǵan sharany mańyzdy qadam retinde sanaǵanymen ony jetkiliksiz dep esepteıdi.
«Dárigerlerdi baspanamen qamtý problemalary barshylyq. Tutastaı alǵanda medıtsına mamanynyń bedelin arttyra túsý qajet. Biz qyrýar jumystar isteıtin medbıkeler men sanıtarlardyń eńbekaqylaryna úlken nazar aýdarýǵa tıispiz. Biz ózimiz umtylatyn batys elderindegi júıede bul birneshe esege joǵary», - dedi Senat Tóraǵasy.