Elimizde maıly daqyldar egilgen alqaptyń 88 paıyzy jınaldy
ANA. 2 qarasha. QazAqparat /Marlan Jıembaı/ - Qazirgi ýaqytta maıly daqyldar egilgen alqaptyń 88 paıyzy jınaldy. Bul týraly búgin Úkimet otyrysynda QR Aýyl sharýashylyǵy mınıstrliginiń jaýapty hatshysy Evgenıı Aman aıtty.
«Qazirgi ýaqytta jınalǵan maıly daqyldardyń jalpy jıyntyǵy 732 myń tonnany quraıdy. Bul oraıda eldiń jalpy tutyný kólemi 800 myń tonna kóleminde boljanǵan bolatyn. Al qaraqumyqqa keletin bolsaq, bul daqyl túri tolyǵymen jınaldy. Jınalǵan ónim 43 myń tonnany quraıdy, bul da ishki suranysty tolyq qamtamasyz etýge jetkilikti», - dedi ol.
Sondaı-aq Jaýapty hatshynyń atap ótýine qaraǵanda, birqatar maıly daqyldar tuqymyn syrtqa shyǵarýǵa qoıylǵan ýaqytsha shekteý is júzinde ishki azyq-túlik naryǵyn ósimdik maıymen tolyǵymen qamtamasyz etýge múmkindik berip otyr. Bul oraıda E.Aman qazirgi ýaqyttyń ózinde otandyq kásiporyndar dándi daqyldardy óńdeýge kirisip ketkendigin aıtty.
