Elimizde maýsym aıynda jańa turǵyn úıler baǵasy 1,5 paıyzǵa ósti
ASTANA. 9 shilde. QazAqparat - 2013 jyldyń maýsym aıynda elimizdegi turǵyn úı naryǵynda baǵalardyń óskendigi baıqaldy. Bul týraly Statıstıka agenttiginiń baspasóz qyzmetinen habarlandy.
Atap aıtqanda, maýsym aıynda ótken aımen salystyrǵanda kórkeıtilmegen turǵyn úılerdi alyp satý baǵasy 2,1 paıyzǵa, al kórkeıtilgen turǵyn úılerdi alyp satý jáne ony jalǵa berý baǵasy 1,8 paıyzǵa ósken. Jańa turǵyn úılerdiń satý baǵasy da 1,5 paıyzǵa artqan.
Agenttik málimetterine qaraǵanda, elimizde jańa turǵyn úılerdiń 1 sharshy metriniń baǵasy 180 myń 482 teńgeni quraıdy. Al kórkeıtilgen turǵyn úılerdi alyp satý sharshy metrine 140 myń 559 teńge bolyp otyr.
