Elimizde mamandandyrylǵan HQO-lar tehnıkalyq irkiliske baılanysty jumysyn toqtatty

ASTANA. QazAqparat – Keshe tústen beri elimizdegi mamandandyrylǵan halyqqa qyzmet kórsetý ortalyqtary tehnıkalyq irkiliske baılanysty jumysyn toqtatty, dep habarlaıdy QazAqparat tilshisi.

«Azamattarǵa arnalǵan úkimet» memlekettik korporatsııasynyń málimetinshe, jumystaǵy olqylyq tehnıkalyq irkiliske baılanysty oryn alǵan.

«QR Іshki ister mınıstrligi ákimshilik polıtsııa komıteti tarapynan bolǵan tehnıkalyq problemalarǵa baılanysty búkil elimizdegi arnaýly halyqqa qyzmet kórsetý ortalyqtarynda memlekettik qyzmet kórsetý toqtatyldy. Jumystyń tolyq qalpyna keltirilgeni jaıly qosymsha habarlanady», - dep atap ótti memlekettik korporatsııanyń baspasóz qyzmetinen.

Sonymen qatar mekemeden qazirgi ýaqytta mamandar problemany joıý úshin jumys istep jatqanyn atap ótti.