Elimizde mal men qus etiniń óndirisi ulǵaıdy
Mınıstrlik Qazaqstanda shujyq, et konservileri, mal men qus etiniń óndirisi turaqty túrde ósip kele jatqanyn habarlaıdy. Jańa qaıta óńdeý kásiporyndarynyń iske qosylýy, tiri mal eksportynyń shektelýi jáne qus sharýashylyǵynda et baǵytyndaǵy memlekettik qoldaýdyń keńeıýi osy ónimderdiń óndirisiniń artýyna yqpal etken.
«Qańtar men shilde aılarynda mal men qustyń barlyq túrleriniń eti ótken jyldyń sáıkes kezeńimen salystyrǵanda 4%-ǵa (soıys salmaǵynda 590 myń tonna), sıyr súti 3%-ǵa (3,6 mln tonna) artyq óndirildi. Al taýyq jumyrtqasynyń óndirisi 4,9%-ǵa, ıaǵnı, 3,1 mln danaǵa deıin azaıdy. Shujyq ónimderin óndirý 21,5%-ǵa (27 358 tonnadan 33 234 tonnaǵa deıin), qyshqyl sút ónimderi 4,7%-ǵa (123 300 tonnadan 129 106 tonnaǵa deıin), sary maı 8%-ǵa (11 158 tonnadan 12 051 tonnaǵa deıin), irimshik pen súzbe 1,9%-ǵa (17 778 tonnadan 18 120 tonnaǵa deıin), balmuzdaq 1,6%-ǵa (21 118 tonnadan 21 455 tonnaǵa deıin), óńdelgen sút 0,2%-ǵa (332 040-tan 332 576 tonnaǵa deıin), et konservileri 4,3%-ǵa (4 298-den 4 481 tonnaǵa deıin) ulǵaıdy», - dep habarlaıdy mınıstrlik.
Aıta keterligi, Qazaqstanda qus eti 24 qus fabrıkasynda óndiriledi. Kún saıyn olar 800 tonnadan astam ónim shyǵarady. Jyl sońyna deıin 300 myń tonnaǵa jýyq et beredi. 2019-jyly respýblıkada 223 myń tonna qus eti óndirildi. Al, 2018-jyly bul kórsetkish 192 myń tonnany quraǵan edi.
