Elimizde mal basyn eki esege arttyrýǵa múmkindik bar - A. Mamytbekov

ASTANA. QazAqparat - Qazaqstan aýyl sharýashylyǵyndaǵy mal basyn eki esege deıin arttyrý múmkindigine ıe. Bul týraly búgin Astanada azyq-túlik qaýipsizdigine arnalǵan konferentsııa barysynda Aýyl sharýashylyǵy mınıstri Asyljan Mamytbekov málim etti.

«Qazaqstan óziniń jer kólemi boıynsha álemde toǵyzynshy orynda turǵan memleket. Elimizde aýyl sharýashylyǵy salasy baǵytyndaǵy alqaptar 180 mıllıon gektardy quraıdy. Al búgingi tańda aýyl sharýashylyǵynda paıdalanylatyn jer kólemi osynyń tek jartysyn, shamamen 90 mıllıon gektaryn ǵana alyp otyr. Sonyń ishinde egis alqaptary - 24 mıllıon gektar bolsa, 66 mıllıon gektary jaıylymdar. ıAǵnı, bir sózben aıtqanda qazirgi tańda elimizde aýyl sharýashylyǵy bıznesine paıdalanýǵa bolatyn jer kóp», - deıdi mınıstr.

Onyń esepteýinshe, eger shamamen bir bas malǵa, sonyń ishinde bir bas iri qara nemese jylqyǵa tıetin jer kólemin 80 gektar dep alsaq, onda Qazaqstanda mal basyn búgingige qaraǵanda eki esege deıin arttyrýǵa múmkindik mol. Budan bólek, mınıstr aýyl sharýashylyǵy salasynda qoldanylatyn jer kóleminen basqa , ondaı jerlerdi jiti paıdalanýǵa da kóbirek mańyz bólý kerektigin atap ótti.