Elimizde qyz-kelinshekterdiń tańdaýly kóligi - Toyota RAV4 krossoveri
ASTANA. QazAqparat - 8 naýryz merekesi qarsańynda kolesa.kz avtokólik saıty júrgizýshi qyz-kelinshekter arasynda saýalnama uıymdastyrdy. Onda arýlarǵa laıyqty sanalatyn avtokólik tańdaldy.
«Erlerge laıyqty kólikter qandaı ekeni beseneden belgili. Alaıda áıelderdiń kóńilinen shyǵatyn mashınany tańdaý qıyn. Sondyqtan biz oqyrmandarǵa tómendegi 10 nusqanyń birin tańdaýdy usyndyq. Daewoo Matiz, Kia Picanto, Mini Hatch, Hyundai Accent, Nissan Juke, BMW X3, Toyota RAV4, Range Rover Evoque, Lexus RX, Mercedes-Benz G-Class», dep jazady kólik saıty.
Saýalnamaǵa 780 adam qatysty. Olardyń pikirinshe 19.6 paıyz nátıjemen Toyota RAV4 krossoveri qyz-kelinshekterdiń úzdik kóligi dep tanyldy. Ekinshi orynda - taǵy da bir jol tańdamaıtyn Nissan Juke japondyq kóligi (19.1 %), úshinshi orynǵa eń arzan ári kólemi de shaǵyn Daewoo Matiz (14.7 %) turaqtady.
Gelendvagen bul tizimge ázil úshin ornalastyrylǵan, sonda da ol 4-orynǵa ilindi, ıaǵnı úlken ári qýatty kólikti qyz-kelinshekter de unatatyn bolyp shyqty.
