Elimizde «Qys-2020» respýblıkalyq shtabtyq jattyǵýy ótip jatyr

NUR-SULTAN. QazAqparat - 5-6 qarasha aralyǵynda elimizde «Qys-2020» respýblıkalyq shtabtyq jattyǵý ótkiziledi, dep habarlaıdy QazAqparat Tótenshe jaǵdaılar mınıstrligine silteme jasap.

Jattyǵý qys kezeńindegi tótenshe jaǵdaılardy joıýǵa azamattyq qorǵaý memlekettik júıesiniń jáne halyqtyń daıyndyq deńgeıi men qabiletin arttyrý, azamattyq qorǵaý qyzmetteri men quramalarynyń qysqy kezeńdegi tótenshe jaǵdaıǵa ázirligin tekserý maqsatynda ótkiziledi.

Jattyǵýdyń basshylyq shtaby QR TJM Daǵdarys jaǵdaıynda basqarý ortalyǵynyń ahýal zalynda ornalasady.

«Qys-2020» jattyǵýy aıasynda respýblıka boıynsha kúsheıtilgen sanıtarııalyq-epıdemııaǵa qarsy jáne sanıtarııalyq-dezınfektsııalyq rejımdi saqtaı otyryp, avarııalyq-qutqarý qyzmetteri men azamattyq qorǵaý quralymdary tótenshe jaǵdaıdy joıý boıynsha is-qımyldy pysyqtap, taktıkalyq-arnaıy oqý-jattyǵý júrgizedi.