Elimizde qylmys deńgeıiniń 7,1 paıyz kóleminde tómendeýi baıqalýda
ASTANA. Qarashanyń 6-sy. QazAqparat /Rýslan Ǵabbasov/ - Qazaqstanda qylmys deńgeıiniń 7,1 paıyz kóleminde tómendeýi baıqalýda. Bul týraly búgin Astanada ótken brıfıngte Bas prokýratýranyń Quqyqtyq Statıstıka jáne arnaıy esepke alý komıtetiniń tóraǵasy Marat Ahmetjanov málim etti,
dep habarlaıdy QazAqparat.
Onyń aıtýynsha, bıylǵy jyldyń 10 aıynda elimizde 99 myń 625 qylmys tirkeldi. Bul kórsetkish ótken jyldyń osy kezeńine qaraǵanda 7,1 paıyzǵa tómen. Atap aıtqanda tonaý, qaraqshylyq, bopsalaý sekildi qylmystyq áreketter - 16, aýyr dene jaraqatyn keltirý - 8,8, qasaqana kisi óltirý jáne qastandyq jasaý 5,6 paıyzǵa azaıǵan. Alaıda, asa aýyr qylmystar 11,3 paıyzǵa (2504-ten 2788-ge deıin) ósken.
Esirtikiniń zańsyz aınalymyna baılanysty qylmystardyń sany 4 395-ti quraǵanyna toqtalǵan ol, osy oraıda esirtki zattaryn tárkileý kólemi artqanyn jetkizdi.
«Eger elimizde qylmys kólemi 10 myń adamǵa shaqqanda 75 qylmystan kelse, Shyǵys Qazaqstan oblysynda - 125, Pavlodar oblysynda - 121, Almatyda 94 qylmysty quraıdy. ıAǵnı bul aımaqtarda salystyrmaly túrde krımınogendik jaǵdaıdyń ósimi baıqalýda», dedi komıtet tóraǵasy.
