Elimizde qurylys jumystarynyń kólemi artty
Bul 2018 jyldyń sáıkes kezeńimen salystyrǵanda 11,5% artyq, dep habarlaıdy «QazAqparat» HAA tilshisi QR Ulttyq ekonomıka mınıstrliginiń Statıstıka komıtetine silteme jasap.
Eseptik kezeńde 433,3 mlrd teńgege ınjenerlik qurylystar, 285,3 avtomagıstraldar, joldar, kósheler, temir joldar, kópirler men jerasty ótkelderi, 251 mlrd teńgeniń óndiristik ǵımarattary, 246,9 mlrd teńgege turǵyn úıler, 120,7 mlrd teńgege taý-ken óndirý jáne óńdeý ónerkásibiniń qurylystary salynǵan. Bul – kólemi jóninen eń kóp jasalǵan qurylys jumystary.
Qurylys-montajdaý jumystarynyń kólemi 12,7% artyp, 575,8 mlrd teńgeni qurady. Kúrdeli jóndeý jumystary boıynsha qurylys jumystarynyń kólemi 2,9%, aǵymdyq jóndeý jumystary 7,3% artty.
Jańa 24 687 ǵımarattyń qurylysy aıaqtaldy, onyń ishinde 23 355 turǵyn úı jáne 1 332 turǵyn úı emes nysany salyndy. Atap aıtqanda, 13 jalpy bilim beretin mektep, 33 mektepke deıingi uıym jáne 9 ambýlatorlyq-emhanalyq uıym salyndy.
2019 jyldyń qańtar-shilde aılarynda turǵyn úı qurylysyna 713,6 mlrd teńge jumsaldy. Bul ótken jyldyń qańtar-shilde aılarynda turǵyn úı qurylysyna salynǵan ınvestıtsııa kóleminen 15,2% artyq.
Negizgi kapıtalǵa salynǵan jalpy ınvestıtsııa kóleminde turǵyn úı qurylysyndaǵy ıgerilgen qarajat úlesi 11,2% qurady. Turǵyn úı qurylysyn qarjylandyrýǵa salynǵan qarajattyń 82,1% qurylysshylardyń ózderine tıesili.
Qańtar-shilde aılarynda paıdalanýǵa berilgen turǵyn úıdiń jalpy aýdany 6 506,4 myń sharshy metrdi qurady. Sonyń ishinde jeke úı salýshylar 3 565,5 myń sharshy metrdi paıdalanýǵa bergen. Paıdalanýǵa berilgen turǵyn úılerdiń naqty kóleminiń ındeksi ótken jyldyń qańtar-shilde aılarynda 96,3% qurady.
Kóp páterli turǵyn úılerdiń bir sharshy metriniń qurylysyna jumsalǵan shyǵynnyń ortasha naqty mólsheri bıylǵy jyldyń qańtar-shilde aılarynda 128,6 myń teńgeni qurady, al jeke úı salýshylar kótergen turǵyn úılerde 84 myń teńge boldy.
Ashat Ahmetbekov
