Elimizde kúrish tapshylyǵy bar ma - mınıstr jaýaby

ASTANA. QazAqparat – Búgin Úkimet otyrysynda QR Premer-Mınıstri Álıhan Smaıylov keıbir aqparat quraldaryndaǵy kúrishke qatysty málimetterge alańdaýshylyq tanytty, dep habarlaıdy QazAqparat tilshisi.

«Qazir keıbir aqparat quraldarynda kúrishke qatysty ártúrli málimet taralyp jatyr. Osyǵan baılanysty kúrish naryǵyndaǵy jaǵdaı qandaı?», - dep surady Úkimet basshysy Aýyl sharýashylyǵy mınıstri Erbol Qarashókeevten.

Óz kezeginde mınıstr kúrishke qatysty ahýal turaqty ekenin, ishki naryqtaǵy aq kúrishtiń qory 257 myń tonna kóleminde baǵalatynyn atap ótti.

«Elimizde kúrishtiń jyldyq tutyný kólemi 97 myń tonnany quraıdy. ıAǵnı, jeltoqsannan bastap kelesi jyldyń kúrish ónimin jınaý kezeńine deıingi 10 aıdaǵy tutyný kólemi – 80 myń tonna. Demek, bizdegi qor sol tutyný kóleminen 3 ese artyq.

Toǵyz aıdyń qorytyndysynda shet elderge kúrish eksportynyń kólemi 70 myń tonna boldy. Basym bóligi, 40 myń tonnasy - untaqtalǵan kúrish. Onyń 80 paıyzy Reseıge eksporttalady. Іshki naryqta kúrish jetkilikti. Eksportqa shyǵarýǵa da jaǵdaıymyz bar», - dedi ol.

Erbol Qarashókeevtiń dereginshe, óńdeýshi zaýyttarda búginde kúrishtiń bir kelisi 256 teńge bolsa, al kóterme saýdaǵy baǵasy 340-390 teńge aralyǵynda qalyptasyp otyr.

«ıAǵnı, ishki naryq kúrishpen tolyq qamtamasyz etiledi, etildi de. Demek, alańdaýǵa esh negiz joq degen sóz», - dep túıindedi osy rette Premer-Mınıstr.