Elimizde qurastyrylǵan avtokólikterge óńirlerdegi sheneýnikter kóbirek otyrýda - Á. Isekeshev
ASTANA. 30 sáýir. QazAqparat - Memlekettik kásiporyndar men ujymdar 11 mlrd. teńgege elimizde qurastyrylǵan avtokólikterdi satyp alǵan. Bul týraly búgin Ortalyq kommýnıkatsııalar qyzmetinde ótken baspasóz máslıhatynda Premer-Mınıstrdiń orynbasary-Indýstrııa jáne jańa tehnologııalar mınıstri Áset Isekeshev aıtty.
«Qazir meniń kóptegen áriptesterim otandyq avtokóliktermen júr dep aıta alamyn. Bıyl elimizde qurastyrylǵan kólikter 11 mlrd. teńgege satyp alyndy. Sheneýnikterdiń kóp bóligi, ásirese óńirlerdegiler sondaı kólikterge otyrdy. Árıne, kólikterdiń ózindik jaramdylyq merzimi bar, sondyqtan áriptesterim (basqa da ortalyq memorgandardyń basshylary) biraz ýaqyt qana buryn satylyp alynyp qoıǵan sheteldik kólikterdi tastaı almaıdy. Alaıda qazir ulttyq kompanııalar ózimizdiń ónimderdi belsendi túrde satyp alýda. Úkimet te, Prezıdenttiń Іs basqarmasy bul kóliktermen tolyq qamtamasyz etildi. Buryn satylyp alynǵan sheteldik kólikterdiń qoldanystan shyǵarylýyna baılanysty, bul másele birtindep sheshiletin bolady», - dedi Á. Isekeshev jýrnalıster qoıǵan «sizdiń kórsetken úlgińizge oraı basqa mınıstrlerdiń otandyq kólikterge otyrmaı júrgenine renjimeısiz be?» degen suraqqa jaýap retinde.
Esterińizge sala keteıik, vıtse-premer - ındýstrııa jáne jańa tehnologııalar mınıstri Áset Isekeshev qazaqstandyq memlekettik qyzmetkerlerdiń alǵashqylarynyń biri bolyp S-sanatty Mersedesten elimizde qurastyrylǵan Skoda Superb-ǵa otyrǵan bolatyn.
