Elimizde kúnkórisi tómen halyqtyń úlesi 2,7 paıyzdy quraıdy
ASTANA. QazAqparat - Úı sharýashylyqtaryn zertteý derekteri boıynsha Qazaqstan Respýblıkasyndaǵy tabysy kúnkóristiń eń tómengi deńgeıinen tómen halyqtyń úlesi 2015 jyldyń 2 toqsanynda 2,7 paıyz (464,8 myń adam) qurady. Bul ótken jylǵy tıisti kezeńnen 0,2 paıyzdyq tarmaqqa az.
QR Ulttyq ekonomıka mınıstrligi Statıstıka komıttetiniń habarlaýynsha, tabysy kúnkóristiń eń tómengi deńgeıiniń shamasynan tómen aýyldyq jerdegi halyqtyń úlesi qalalyq jerdegi halyqtyń úlesinen 4,6% (346,8 myń adam) quraǵan.
«2015 jyldyń 2 toqsanynda tabysy kúnkóristiń eń tómengi deńgeıiniń shamasynan tómen halyqtyń basym úlesi Ońtústik Qazaqstan (5,3%), Soltústik Qazaqstan (3,4%), oblystaryna keledi, eń az úlesi Astana (0,4%) men Almaty (0,7%) qalalarynda baıqalady. Úı sharýashylyqtarynyń aqshalaı shyǵystary olardyń materıaldyq qamtamasyz etilýine tikeleı baılanysty. Halyqtyń shyǵystary men tutynýy detsıldik bólý kezinde tabystar sııaqty aıtarlyqtaı saralanýdy kórsetedi. Sonymen, mysaly, 2015 jyldyń 2 toqsanynda 10% eń az jáne 10% eń kóp qamtamasyz etilgen halyqtyń azyq-túlik taýarlaryna jumsaǵan shyǵystary arasyndaǵy aıyrmashylyq 4,2 eseni, azyq-túlik emes taýarlarǵa - 6,1 eseni, al aqyly qyzmetterge - 8,2 eseni qurady», - delingen baspasóz baıanynda. Foto: zakon.kz
