Elimizde kúnkóris shegin esepteý ádisi ózgeredi

Bul týraly búgin QR Parlamenti Májilisinde ótken Úkimet saǵatynda QR Eńbek jáne halyqty áleýmettik qorǵaý mınıstri Gúlshara Ábdihalyqova málim etti, dep habarlaıdy QazAqparat.

«Búgingi tańda eń tómengi áleýmettik standarttar, eńbek qaýipsizdigi men eńbekti qorǵaý standarttary, áleýmettik kómek kórsetý jáne áleýmettik qyzmet kórsetý standarttary ázirlenip, bular birte-birte engizilip jatyr. Bul baǵytta birinshiden, bazalyq áleýmettik standart - tómengi kúnkóris deńgeıin jetildirý jumystary jalǵasady. Alǵashqy kezeń boıynsha 2015 jylǵa deıin halyqtyń tutyný shyǵyndary quramyndaǵy ózgeristerdi eskere otyryp, tómengi kúnkóris deńgeıiniń qurylymyna ózgerister engiziledi, bul óz kezeginde onyń mólsheriniń ulǵaıýyna septigin tıgizedi. Budan keıingi kezekte Eýropalyq qoǵamdastyq elderinde qalyptasqandaı, halyqtyń ál-aýqatynyń artýyna qaraı medıtsınalyq kiris negizinde tómengi kúnkóris deńgeıin anyqtaýǵa kóshý múmkindigi qarastyrylady», dedi G. Ábdihalyqova.

Onyń aıtýyna qaraǵanda, bundaı ádisterge jáne tómengi kúnkóris deńgeıiniń ózgerýine sáıkes, jalaqynyń tómengi mólsheri, eń tómengi zeınetaqy men járdemaqylar, áleýmettik kómek jáne qoldaý kórsetýdiń shekti deńgeıi kiretin - memlekettik áleýmettik tómengi standarttar retke keltiriletin bolady.