Elimizde kúnine 4,5 myń onlaın protsess ótip jatyr - Joǵarǵy sot tóraǵasy
«Sot sheshimderi men úkimder sapasy boıynsha sot sheshimderiniń jańa formatyn engizdik. Alǵash ret eki tilde úlgiler jınaǵyn shyǵardyq. Sýdıalarǵa úkim jarııalana salysymen mundaı sheshimdi nelikten qabyldaǵanyn túsindirýdi mindettik. Sýdıalarǵa sheshimdi qalaı daıyndaý kerektigin jáne olardy protsess qatysýshylaryna qalaı túsindirý kerektigin úıretip jatyrmyz. Nátıjesinde sheshimder men úkimderge baılanysty joǵary turǵan sotqa shaǵymdar 30 paıyzǵa qysqardy», - dedi Jaqyp Asanov.
Sonymen qatar ol elimizde 230 sotta front-keńseler ashylǵanyn aıtty.
«Biryńǵaı stıl. Kireberiste konsýltant. Medıatorlar, notarıýs, advokat kabınetteri. Tótenshe jaǵdaıdyń alǵashqy kúninen qashyqtan jumys isteý rejımine kóshtik. Kóptegen elderdegideı jumysty toqtatqan joqpyz. Eger tótenshe jaǵdaıǵa deıin kúnine 150 onlaın-protsess ótse, qazir 4,5 myńǵa jetti. Bul 30 ese kóp. Kópshilik bul barynsha yńǵaıly ári shyǵyny az ekendigin aıtýda», - dedi Joǵarǵy sot tóraǵasy.